गाझा पट्टीत हमाससोबत लवकरात लवकर शस्त्रसंधी करण्याचं आवाहन अमेरिकेनं इस्राइलला केलं आहे. इस्राइलचे प्रधानमंत्री बेंजामिन नेत्यान्यू यांनी आज वॉशिंग्टनमध्ये अमेरिकेचे अध्यक्ष ज्यो बायडेन आणि उपराष्ट्राध्यक्ष कमला हॅरिस यांची भेट घेतली. त्यावेळी हॅरिस यांनी ही विनंती नेत्यानू यांना केली. शस्त्रसंधीमधले अडथळे लवकरात लवकर दूर करुन बंदी ठेवलेल्या नागरिकांची लवकरात लवकर सुटका करण्याचं आवाहन बायडेन यांनी केलं.