उत्तर प्रदेशमधल्या गोंडा रेल्वे अपघातात मृत्युमुखी पडणाऱ्यांची संख्या चार वर पोहोचली आहे. अपघातात गंभीर जखमी झालेल्या २ प्रवाशांची प्रकृती चिंताजनक आहे.उत्तरप्रदेशमध्ये काल दुपारी दिब्रुगडला जाणाऱ्या रेल्वे गाडीचे २१ डबे रुळावरून घसरून झालेल्या अपघातात ३० प्रवासी जखमी झाले होते. लखनौ-गोहाटी मुख्य रेल्वे मार्ग पूर्ववत करण्याचं काम युद्धपातळीवर सुरू आहे. तसंच या मार्गावरच्या गाड्या इतर मार्गांवर वळवण्यात आल्या आहेत, अशी माहिती रेल्वेच्या सूत्रांनी दिली.