केंद्रीय वीज, गृहनिर्माण आणि शहरी कार्य मंत्री मनोहर लाल यांच्या हस्ते आज आंध्र प्रदेशातल्या विजयवाडा इथं ऊर्जावीर योजनेला सुरुवात होत आहे. आंध्र प्रदेशचे मुख्यमंत्री चंद्राबाबू नायडू या कार्यक्रमाला उपस्थित राहणार आहेत. देशात ऊर्जेविषयी जागरुकता निर्माण करून अपारंपरिक ऊर्जेला प्रोत्साहन देण्याच्या उद्देशानं ही योजना सुरु करण्यात आली आहे. यावेळी मनोहर लाल शहर विकास आणि वीजनिर्मिती या मुद्द्यांवर राज्यातल्या अधिकाऱ्यांशी चर्चा करणार आहेत.