केंद्रीय संरक्षण मंत्री राजनाथ सिंह शुक्रवारी २३ ऑगस्टपासून चार दिवसीय अमेरिका दौऱ्यावर जाणार आहेत. अमेरिकेचे संरक्षण सचिव लॉईड ऑस्टिन यांच्याशी ते या दौऱ्यात चर्चा करतील. या भेटीमुळे भारत आणि अमेरिका यांच्यातली जागतिक धोरणात्मक भागीदारी अधिक दृढ होईल, असं संरक्षण मंत्रालयानं म्हटलं आहे. भविष्यातल्या संभाव्य संरक्षण सहकार्याच्या पार्श्वभूमीवर होणाऱ्या गोलमेज परिषदेचं अध्यक्षस्थान राजनाथ सिंह भुषवतील. तसंच भारतीय समूदायाशी संवाद साधतील.