क्रिकेटमध्ये १९ वर्षांखालील आशिया कप स्पर्धेत भारतानं संयुक्त अरब अमिरातीवर दहा गडी राखून विजय मिळवला. यूएईच्या १३८ धावांचं आव्हान भारतानं सतराव्या षटकातच पूर्ण केलं. आयुष म्हात्रेनं ६७ तर वैभव सूर्यवंशीने ७६ धावा करत भारताच्या विजयावर शिक्कामोर्तब केलं.
त्याआधी संयुक्त अरब अमिरातीनं नाणेफेक जिंकून प्रथम फलंदाजीचा निर्णय घेतला. रायन खानच्या ३५ आणि अशत रायच्या २६ धावा वगळता यूएईचे अन्य फलंदाज फारशी चमकदार कामगिरी करू शकले नाहीत. भारताच्या युद्धाजित गुहा याने तीन तर चेतन शर्मा आणि हार्दिक राज यांनी प्रत्येकी दोन गडी बाद केले.