ट्राय अर्थात दूरसंचार नियंत्रण मंडळाने नोंदणीकृत नसलेल्या क्रमांकावरुन प्रचारासाठी करण्यात येणारे फोन थांबवण्याचे आदेश सर्व सेवा पुरवठादार कंपन्यांना दिले आहेत. अनावश्यक फोन टाळण्यासाठी दूरसंचार मंत्रालयानं हे निर्बंध लावले आहेत. नोंदणीकृत क्रमांकाशिवाय कोणत्याही क्रमांकावरून असे फोन येत असल्याचं आढळल्यास फोन करणाऱ्या कंपनीला दोन वर्षांसाठी काळ्या यादीत टाकलं जाणार असून या काळात त्यांना इतर कोणत्याही मोबाईल सेवा पुरवणाऱ्या कंपनीकडूनही नंबर मिळवता येणार नाही.