अयोध्येतल्या भव्य राम मंदिरात राम लल्लाच्या अभिषेक सोहळ्याचा आज वर्धापनदिन आहे. त्यानिमित्तानं तीन दिवसांचा भव्य उत्सव आजपासून सुरू होणार आहे. गेल्या वर्षी २२ जानेवारी रोजी पंतप्रधानांच्या हस्ते श्रीराम जन्मभूमि मंदिराचं उद्घाटन झालं होतं, मात्र, पौष शुद्ध द्वादशी या तिथीनुसार आज प्राणप्रतिष्ठा सोहळ्याचा वर्धापनदिन साजरा केला जाणार आहे. तीन दिवसांत विविध कार्यक्रमांचं आयोजन केलं जाणार आहे.