नवनिर्वाचित हरियाणा विधानसभेचं पहिलं अधिवेशन येत्या 13 तारखेपासून सुरू होणार आहे. अधिवेशनाची पहिली बैठक सकाळी अकरा वाजता सुरू होईल, असं हरियाणा विधानसभेच्या सचिवालयानं जारी केलेल्या अधिसूचनेत म्हटलं आहे. या अधिवेशनाची पूर्व तयारी सुरू असून, कामकाज सल्लागार समितीची बैठकीत अधिवेशनातील कामकाजाची चर्चा करण्यात येणार आहे, असं विधानसभा अध्यक्ष हरविंदर कल्याण यांनी सांगितलं.