टेनिसमध्ये, रोहन बोपण्णा आणि बेन शेल्टन यांनी मोंटे-कार्लो मास्टर्स स्पर्धेत पुरुष दुहेरीच्या उपांत्यपूर्व फेरीत प्रवेश केला. या इंडो-अमेरिकन जोडीनं तिसऱ्या मानांकित इटालियन जोडी सिमोन बोलेली आणि आंद्रिया वावसोरी यांना एका रोमांचक सामन्यात २-६, ७-६, १०-७ असं पराभूत केलं. बोपण्णानं पाब्लो क्यूवास याच्यासोबत २०१७ मध्ये मोंटे-कार्लो मास्टर्स किताब जिंकला होता. पुरुषांच्या एकेरीत, चिलीच्या अलेजांद्रो ताबिलोनं दुसऱ्या फेरीत २४ वेळा ग्रँड स्लॅम विजेता नोवाक जोकोविचचा ६-३, ६-४ असा पराभव केला.