तमिळनाडूमधील दिंडीगुल इथे एका रुग्णालयात काल रात्री लागलेल्या आगीत एका बालकासह सहा जणांचा मृत्यू झाला, तर २६ जण जखमी झाले आहेत. जखमींमध्ये तीन जण अतिदक्षता विभागात असून अन्य रुग्णांवर उपचार करून सोडून देण्यात आले. रुग्णालयाच्या तळ मजल्यावर लागलेली ही आग शार्ट सर्किटमुळे लागल्याचे समजते. तमिळनाडूचे मुख्यमंत्री एम.के. स्टॅलिन यांनी आगीत मृत्युमुखी पडलेल्यांच्या कुटुंबीयांना तीन लाख रुपये तर जखमींना ५० हजार रुपये मदत देण्याचे जाहीर केले आहे.