चेन्नईमध्ये काल हवाई दलाच्या प्रात्यक्षिकांनंतर मृत्यू पावलेल्यांच्या वारसांना ५ लाख रुपयांची आर्थिक मदत देण्याचा निर्णय तामिळनाडू सरकारनं घेतला आहे. एकूण ५ जणांचा काल चेन्नईमध्ये मृत्यू झाला. उष्णता आणि वैद्यकीय कारणांमुळे नागरिकांचे प्राण गेले. यापुढे अशाप्रकारचे कार्यक्रम आयोजित करताना योग्य काळजी घेतली जाईल, अशी माहिती तामिळनाडूचे मुख्यमंत्री एम. के. स्टॅलिन यांनी दिली.