राज्य सरकारच्या गुजराती आणि सिंधी साहित्य अकादमीचे पुरस्कार आज जाहीर झाले. गुजराती साहित्य अकादमीचा नर्मद पुरस्कार बाबा भांड आणि ईश्वरलाल परमार यांना जाहीर झाला. जन्मभूमी सौराष्ट्र ट्रस्ट, अक्षय अंताणी, ललिता पटेल आणि तारिणीबहेन देसाई यांना जीवन गौरव पुरस्कार जाहीर झालाय. अनुवादासाठीचा गोपाळराव विद्वांस पुरस्कार वैशाली त्रिवेदी यांना नटसम्राट या नाटकाच्या गुजराती भाषांतरासाठी जाहीर झाला आहे. एसएनडीटी विद्यापीठानं या अनुवादाचं प्रकाशन केलं असून त्रिवेदी आकाशवाणी मुंबईत कार्यक्रम अधिकारी म्हणून कार्यरत आहेत.
सिंधी अकादमीचा अखिल भारतीय जीवन गौरव पुरस्कार नंदलाल छुगानी यांना जाहीर झाला आहे.