राज्यातलं सरकार कायदा आणि सुव्यवस्थेच्या बाबतीत जागरूक नाही अशी टीका विरोधी पक्षनेते अंबादास दानवे यांनी केली. नवी मुंबईत घडलेल्या घटनेसंदर्भात चर्चा करण्यासाठी दानवे यांनी आज नवी मुंबईचे पोलीस आयुक्त मिलिंद भारंबे यांची भेट घेतली, त्यानंतर ते वार्ताहरांशी बोलत होते. राज्यात महिलांवरच्या अत्याचारांच्या घटना वाढल्यानं त्यांच्यात असुरक्षिततेची भावना असल्याचं ते म्हणाले. सर्वत्र लाडकी बहिण योजनेचा गवगवा केला जात आहे पण राज्यातल्या बहिणी सुरक्षित नाहीत, असंही ते म्हणाले.