व्हॉलीबॉलमधे पुरुष संघांच्या काल झालेल्या अंतिम सामन्यात सेना दल संघाने केरळचा ३-१ असा पराभव करून सुवर्ण पदकावर आपलं नाव कोरलं. सेना दल संघाने पहिले दोन सेट २५-२० आणि २५-२२ असे जिंकले. तिसऱ्या सेटमधे केरळने जोरदार टक्कर देत सेना दल संघाला २५-१९ असं नमवलं. मात्र चौथ्या सेटमध्ये सेना दल संघाने केरळला २५-१९ च्या फरकाने हरवून सुवर्ण मिळवलं.
कांस्य पदकाच्या सामन्यासाठी तामिळनाडूने उत्तराखंडला ३-० असं हरवलं.
महिलांच्या व्हॉलीबॉल स्पर्धेच्या अंतिम सामन्यात केरळने तामिळनाडूचा ३-२ असा पराभव केला. पहिला सेट केरळने २५-१९ असा जिंकला. मात्र पुढच्या दोन सेटमधे तामिळनाडूने २५-२२, २५-२२ ने केरळला नमवलं. शेवटच्या सेटमध्ये १५-७ असा विजय मिळवत केरळने सुवर्ण आपल्या खात्यावर नोंदवलं.
कांस्य पदकाच्या सामन्यात राजस्थानने चंदीगडला ३-० नं हरवलं.