भारताला जगात आशयनिर्मिती आणि निर्यातीचं मोठं केंद्र बनवण्याच्या उद्देशानं पुढच्या वर्षी फेब्रुवारी महिन्यात वेव्ह, अर्थात जागतिक दृकश्राव्य आणि मनोरंजन परिषदेचं आयोजन नवी दिल्लीत होणार असल्याची माहिती, माहिती आणि प्रसारण मंत्रालयाचे सचिव संजय जाजू यांनी आज मुंबईत दिली. विविध चित्रपट निर्मिती संस्था, स्टुडिओ, गेमिंग, ॲनिमेशन, चित्रपट इत्यादी क्षेत्रांतल्या प्रतिनिधींशी त्यांनी संवाद साधला.