चाकू हल्ल्यात जखमी झालेला अभिनेता सैफ अली खान याला उपचारांनंतर रुग्णालयातून घरी सोडण्यात आलं आहे. १६ जानेवारी रोजी पहाटे सैफ अली खान याच्यावर वांद्रे इथल्या राहत्या घरी चाकू हल्ला झाला होता. हल्लेखोराने त्याच्यावर सहा वार केले होते. त्यानंतर त्याला उपचारांसाठी रुग्णालयात दाखल करण्यात आलं होतं. डॉक्टरांनी शस्त्रक्रिया करून त्याच्या पाठीत घुसलेला चाकुचा तुकडा बाहेर काढला होता.