भारताचा आघाडीचा खेळाडू रोहन बोपण्णा आणि त्याचा ऑस्ट्रेलियन साथीदार मॅथ्यू एब्डेन आज रात्री इटलीत तुरिन इथं टेनिस एटीपी स्पर्धेत खेळणार आहेत. साखळी फेरीत पहिल्या लढतीत भारत-ऑस्ट्रेलियन जोडीचा सामना इटलीच्या अँड्रिया वावासोरी आणि सिमोन बोलेली या जोडीशी आज रात्री १० वाजून २० मिनिटांनी सुरू होणार आहे. साखळी फेरीत दुसऱ्या लढतीत त्यांचा सामना उद्या एल साल्वाडोरच्या मार्सेलो अरेवालो आणि क्रोएशियाच्या मेट पाविच या जोडीशी होणार आहे. साखळी फेरीनंतर प्रत्येक गटातील अव्वल दोन खेळाडू किंवा संघ उपांत्य फेरीत प्रवेश करतील.