रस्त्यावरचे खड्डे बुजवण्यासाठी “लिओ पॉलिमर तंत्रज्ञान” वापरण्याच्या सूचना मुख्यमंत्री एकनाथ शिंदे यांनी संबंधित अधिकाऱ्यांना काल दिल्या. ठाणे नाशिक महामार्गावरच्या खारेगाव ते पडघा, तळवली ते शहापूर या रस्त्याची पाहणी केल्यानंतर ते बोलत होते.  या महामार्गावरची प्रलंबित कामं तातडीनं पूर्ण करावी तसंच कामात अडथळा आणणाऱ्यांवर फौजदारी कारवाई करावी असं मुख्यमंत्र्यांनी प्रशासनाला सांगितलं. कामं करताना वाहतूक कोंडी होऊ नये याकरता सुयोग्य नियोजन करण्याच्या सूचनाही त्यांनी दिल्या.