हरियाणा विधानसभा निवडणुकीसाठीचं संकल्प पत्र भाजपाचे राष्ट्रीय अध्यक्ष जे. पी. नड्डा यांनी आज रोहतकमध्ये प्रसिद्ध केलं. लाडकी बहिण योजनेच्या धर्तीवर महिलांना दरमहा २ हजार १०० रुपये देण्याचं आश्वासन सरकारनं यात दिलंय. सर्व कुटुंबांना १० लाख रुपयांपर्यंत मोफत उपचार आणि ७० वर्षांपेक्षा अधिक वय असलेल्यांना अतिरीक्त ५ लाख रुपयांचे उपचार मोफत देण्याचं आश्वासन यात आहे.
१० औद्योगिक शहरांची निर्मिती आणि प्रत्येक शहरात ५० हजार स्थानिक युवकांना रोजगार देण्याचं आश्वासन भाजपानं दिलंय. तसंच २ लाख युवकांना कुठल्याही वशिल्याशिवाय सरकारी नोकरी आणि ५ लाख युवकांना अप्रेंटिसशिप द्यायचं आश्वासनही यात आहे. २४ पीकांची किमान आधारभूत किंमतीवर खरेदी, शहरी आणि ग्रामीण भागात ५ लाख घरं, गृहिणींना ५०० रुपयात सिलिंडर यासारखी अनेक आश्वासन यात आहेत.