राज्याच्या आदिवासी विकास विभागातल्या रिक्त पदांची भरती प्रक्रिया स्थगित करण्यात आली आहे. आदिवासी विकास विभागानं गेल्या २३ नोव्हेंबर रोजी ६०२ रिक्त पदांच्या भरतीसाठी जाहिरात प्रसिद्ध केली होती. मात्र, सामाजिक आणि शैक्षणिक दृष्ट्या मागास संवर्गांचा जाहिरातीत समावेश नसल्यानं ही जाहिरात रद्द करण्यात आली आहे. यादी अद्ययावत झाल्यानंतर पुढील कार्यवाहीविषयी माहिती दिली जाईल असं अधिकृत सूत्रांनी कळवलं आहे.