कॅनडातल्या भारतीय उच्चायुक्तालयावर झालेल्या हल्ल्याच्या चौकशीच्या संदर्भात राष्ट्रीय तपास संस्थेनं आज पंजाबमधल्या मोगा, अमृतसर, गुरदासपूर आणि जालंधरमध्ये तपासणी केली. गेल्या वर्षी, संस्थेनं ओटावा इथल्या भारतीय दुतावासाबाहेर खलिस्तानी समर्थकांनी केलेल्या निषेधाबद्दल गुन्हा दाखल केला होता. हल्ल्यामागे खलिस्तान समर्थकांचा हात असल्याचा संशय तपास यंत्रणांना आहे.