पुण्यात कल्याणीनगर इथं २ मोटारसायकल प्रवाशांना धडक देणाऱ्या पोर्श गाडीतल्या अरुणकुमार सिंह यांचा अटकपूर्व जामीन मुंबई उच्च न्यायालयानं काल फेटाळून लावला. घटनेनंतर मद्यपानाचे पुरावे लपवण्यासाठी रक्ताचे नमुने बदलून तपास यंत्रणांची दिशाभूल केल्याचा आरोप त्यांच्यावर आहे. आरोपीच्या  रक्ताच्या नमुन्याची  अदलाबदल करण्यासाठी सिंह यांनी ससून रुग्णालयातल्या डॉक्टरांना लाच दिल्याचे प्रथमदर्शनी पुरावे असल्याचं न्यायमूर्ती मनीष पितळे यांनी म्हटलं आहे.