भारतातल्या खासगी क्षेत्रातल्या कंपन्यांनी २०२३-२४ या आर्थिक वर्षात नफा कमावला असून कर्जही कमी केल्याची माहिती भारतीय रिझर्व्ह बँकेने आपल्या अहवालात दिली आहे. या कंपन्यांचा चालु गुंतवणूक नफा गेल्या वर्षी ४ पूर्णांक २ शतांश टक्के इतका होता, त्यात वाढ होऊन तो आता १५ पूर्णांक ३ दशांश टक्के झाला आहे. तर उत्पादन नफ्यात १३ पूर्णांक २ दशांश टक्क्यांची वाढ झाली आहे. सेवाक्षेत्रातलं उत्पादन ७ पूर्णांक ६ दशांश टक्क्यांवरून ३८ पूर्णांक १ दशांश टक्के इतकं झालं आहे, असंही या अहवालात म्हटलं आहे. सार्वजनिक क्षेत्रातल्या अनेक कंपन्यांची व्याजफेडीची क्षमताही सुधारली असून कर्जवसुलीही ४ पूर्णांक १ शतांश टक्के वाढली असल्याचं रिझर्व्ह बँकेने म्हटलं आहे.