जम्मू काश्मिरमधल्या रजौरी, पूँछ, किश्तवर आणि उधमपूर जिल्ह्यातल्या जैश ए मोहम्मद आणि लष्कर ए तोएबा या दहशतवादी संघटनांच्या ठिकाणांवर पोलिसांनी काल रात्री छापेमारी केली. यात अनेक संशयितांना अटक करण्यात आली असून इलेक्ट्रॉनिक सामान, कागदपत्र, रोख रक्कम, शस्त्र आदी साहित्य जप्त करण्यात आलं आहे. ही कारवाई सुरू राहणार असल्याचं जम्मू विभागाचे अतिरिक्त पोलीस महासंचालक आनंद जैन यांनी सांगितलं. कुठलीही संशयित हालचाल आढळून आल्यास नागरिकांनी याची माहिती पोलिसांना द्यावी असं आवाहन  त्यांनी केलं आहे.