प्रधानमंत्री नरेंद्र मोदी उद्या दिल्लीत पहिल्या बोडोलँड महोत्सवाचं उद्घाटन करणार आहेत. या महोत्सवाची संकल्पना प्रगतीशील भारतासाठी शांतता आणि सौहार्द अशी आहे. दोन दिवस चालणाऱ्या या महोत्सवाचं उद्दिष्ट बोडोलँडसह आसाम, पश्चिम बंगाल, नेपाळ आणि ईशान्येकडील इतर आंतरराष्ट्रीय सीमावर्ती भागात राहणाऱ्या स्थानिकानं एकत्रित करणं आणि त्यांचा सांस्कृतिक वारसा, पर्यावरणीय जैवविविधता आणि पर्यटन क्षमता समृद्ध करणं हा आहे.