प्रधानमंत्री नरेंद्र मोदी यांनी रशियाचे राष्ट्राध्यक्ष व्लादिमीर पुतीन यांच्याशी रशिया-युक्रेन संघर्षावर आज दूरध्वनीद्वारे संवाद साधला. धोरणात्मक भागीदारी अधिक दृढ करण्याविषयी चर्चा केल्याचं प्रधानमंत्र्यांनी समाज माध्यमावरच्या पोस्टद्वारे सांगितलं. नुकत्याच झालेल्या युक्रेन भेटीतल्या अनुभवाविषयीही पुतीन यांच्याशी चर्चा केल्याचं त्यांनी सांगितलं. संघर्षावर लवकरात लवकर आणि शांततापूर्ण तोडगा काढण्यासाठी भारत वचनबद्ध असल्याचा पुनरुच्चारही मोदी यांनी केला.