पाकिस्तानमध्ये अफगाण नागरिक कार्डधारकांना देश सोडण्याची सरकारने दिलेली अंतिम मुदत आज संपत आहे. त्यामुळे पाकिस्तानमधल्या कायदा अंमलबजावणी संस्थांना हजारो अफगाणी निर्वासितांना अटक करून त्यांना परत पाठवण्याचे आदेश देण्यात आले आहेत. स्थानिक माध्यमांनी दिलेल्या वृत्तानुसार, रावळपिंडी पोलीस प्रमुखांनी रावल, पोतोहर आणि सदर या जिल्ह्यांमधे राहणाऱ्या किंवा काम करणाऱ्या अफगाणी निर्वासितांवर कायदेशीर कारवाई करण्याचे निर्देश दिले आहेत.