ओएनडीसी, अर्थात डिजिटल व्यवहारांसाठीच्या खुल्या नेटवर्कमुळे लहान व्यवसाय सक्षम झाले असून, ई-कॉमर्समध्ये क्रांती झाल्याचं प्रधानमंत्री नरेंद्र मोदी यांनी म्हटलं आहे. विकास आणि समृद्धी पुढे नेण्यात ओएनडीसी महत्त्वाची भूमिका बजावत असल्याचं त्यांनी समाज माध्यमवरच्या पोस्ट मध्ये म्हटलं आहे. भारतात ई-कॉमर्सचं लोकशाहीकरण करण्याच्या उद्देशानं २०२१ साली केंद्रसरकारनं ओएनडीसी सुरु केल्याचं वाणिज्य आणि उद्योग मंत्री पीयुष गोयल यांनी म्हटलं आहे. विक्रेते आणि ग्राहक यांच्यातलं अंतर कमी करून, ओएनडीसी देशाच्या ई-कॉमर्स परिप्रेक्ष्यात क्रांती घडवत आहे, असं त्यांनी म्हटलं आहे.