NEET UG 2024 प्रश्नपत्रिकांची चोरी आणि पेपरफुटीच्या प्रकरणात सहा आरोपींविरुद्ध सीबीआयनं पाटणा इथल्या सीबीआय न्यायालयात दुसरं आरोपपत्र दाखल केलं आहे. भारतीय दंड संहितेच्या वेगवेगळ्या तरतुदींअंतर्गत हे आरोपपत्र दाखल करण्यात आलं.

याव्यतिरिक्त, NEET UG 2024 परीक्षेच्या आयोजनाची जबाबदारी असलेले शहर समन्वयक आणि ओएसिस स्कूलचे प्राचार्य डॉ. एहसान उल हक आणि केंद्र अधीक्षक म्हणून नियुक्त केलेले उप-प्राचार्य मोहम्मद इम्तियाज आलम यांच्याविरुद्ध भ्रष्टाचार प्रतिबंधक कायदा, 1988 च्या विविध कलमांतर्गत आरोप लावले आहेत. या पेपरफुटीच्या प्रकरणात आत्तापर्यंत ४८ जणांना अटक करण्यात आली आहे.