राष्ट्रीय महिला आयोगाचं दोन सदस्यांचं पथक कोलकत्यात दाखल झालं आहे. कोलकत्यातल्या आर. जी. कार वैद्यकीय महाविद्लयातील महिला डॉक्टरवर कथित अत्याचार आणि खून प्रकरणी हे पथक चौकशी करत आहे. काल या पथकानं पोलिस आयुक्तांची भेट घेतली. आज ते रुणालयाला भेट देणार असून आपला अहवाल राष्ट्रीय महिला आयोगाला सादर करणार आहे. दरम्यान, या प्रकरणी भारतीय वैद्यकीय संघटनेनं केंद्रीय आरोग्यमंत्र्यांना पत्र लिहिलं असून, निष्पक्ष चौकशीची मागणी केली आहे.