केंद्र सरकारच्या कृषी आणि विपणन विभागाच्या नाशिक इथल्या कार्यालयातल्या वरिष्ठ अधिकाऱ्याला लाच घेताना आज सीबीआयनं रंगेहाथ पकडलं. या अधिकाऱ्यानं एगमार्कचा परवाना देण्यासाठी तक्रारदाराकडून एक लाख रुपयांची मागणी केली होती. याबाबत तक्रार प्राप्त झाल्यानंतर सीबीआयनं सापळा रचून ही कारवाई केली. विशाल तळवडकर असं या अटक केलेल्या अधिकाऱ्याचं नाव असून, न्यायालयानं त्याला ५ सप्टेंबरपर्यंत सीबीआय कोठडी सुनावली आहे.