नंदुरबारमधले प्रलंबित वन दावे वर्षभरात मार्गी लावण्यासाठी तालुकानिहाय चार सदस्यीय समितीची स्थापन करुन दर महिन्याला आढावा बैठका घेण्याचे निर्देश दिल्याचं राष्ट्रीय अनुसूचित जाती जमाती आयोगाचे अध्यक्ष  अंतरसिंग आर्या यांनी आज सांगितलं. ते नंदुरबारच्या दौऱ्यावर असून जिल्हाधिकारी कार्यालयात झालेल्या आढावा बैठकीत ते बोलत होते.  पाच हजारांहून अधिक आदिवासी बांधवांनी वनदाव्यांविषयी आपल्याकडे तक्रारी केल्याचं त्यांनी सांगितलं. त्यांनी तळोदा तालुक्यात आमलाड इथल्या आदिवासी विकास विभागाच्या वसतिगृहाची पाहणीही केली.