नांदेडच्या स्वामी रामानंद तीर्थ मराठवाडा विद्यापीठाला मानवी मूत्रापासून ऊर्जेच्या निर्मितीसाठीचं अमेरिकन पेटंट प्राप्त झालं आहे. विद्यापीठातले संशोधक प्रा. डॉ. राजाराम माने आणि डॉ. झोयेक शेख यांच्या चमूनं   मानवी मूत्रापासून कार्बन पदार्थाची निर्मिती केली असून  या कार्बन पदार्थाचा वापर ऊर्जा निर्मितीसाठी करण्यात येत आहे. या संशोधनाच्या संपूर्ण खर्चाची जबाबदारी सौदी अरेबियाच्या किंग साउद विद्यापीठानं  घेतली होती.