भाजपा शेतकरी विरोधी असून काल भाजपा नेत्याने वणीमध्ये ज्या पद्धतीनं कुणबी समाजाविषयी अपशब्द वापरले ते चुकीचं आहे, असं काँग्रेसचे प्रदेशाध्यक्ष नाना पटोले यांनी म्हटलं आहे. ते आज नागपूरमध्ये प्रसारमाध्यमांशी बोलत होते. भाजपाला आम्हाला दोन कोटी तरुणांना नोकरी देण्याचे जे आश्वासन दिले होते त्याची आठवण करुन द्यावी लागेल असंही ते म्हणाले. भाजपा राहुल गांधी यांना घाबरलेला असून त्यांच्या मार्गात आडकाठी करण्याचा प्रयत्न करत असल्याचंही त्यांनी यावेळी सांगितलं. राहुल गांधींना खोट्या केसेसमध्ये अडकवण्याचा प्रयत्न झाल्यास भाजपाला त्याचे उत्तर द्यावे लागेल असंही त्यांनी यावेळी सांगितलं.