पंजाबमधल्या अमृतसर इथल्या गुरुनानक देव विद्यापीठात आयोजित अखिल भारतीय आंतर विद्यापीठ तायक्वांदो स्पर्धेत मुंबई विद्यापीठाने दोन कांस्य पदकं पटकावली आहेत. ६८ किलो वजनी गटात सय्यद उमर आणि ८७ किलो वजनी गटात राज घुले या दोघांनी कांस्य पदकावर आपलं नाव कोरलं. विजयी खेळाडूंसह प्रशिक्षक आणि संघ व्यवस्थापक यांचं मुंबई विद्यापीठाचे कुलगुरू रवींद्र कुलकर्णी यांनी अभिनंदन केलं आहे. या स्पर्धेत देशभरातले १२७ विद्यापीठं सहभागी झाली होती.