परराष्ट्र व्यवहार मंत्री एस. जयशंकर आजपासून ३ दिवसांच्या संयुक्त अरब अमिरातीच्या भेटीवर जात आहेत. या भेटीदरम्यान ते दोन्ही देशांच्या दृढ भागीदारीचा आढावा घेतील तसंच परस्पर संबंध आणखी दृढ करण्याच्या नव्या क्षेत्रांबद्दल चर्चा करतील. परराष्ट्र व्यवहार मंत्र्यांचा हा दौरा दोन्ही देशातली धोरणात्मक भागीदारी पुढे नेण्याची संधी देईल तसंच परस्पर संबंधांना गती देईल, असं परराष्ट्र व्यवहार मंत्रालयाच्या पत्रकात नमूद करण्यात आलं आहे.