केंद्रीय संसदीय कामकाजमंत्री किरेन रिजिजू यांनी काल काँग्रेस अध्यक्ष आणि राज्यसभेतील विरोधी पक्षनेते मल्लिकार्जुन खडगे यांची भेट घेतली. संसदेच्या आगामी अधिवेशनाच्या पार्श्वभूमीवर ही भेट घेण्यात आली.या अधिवेशनात सर्व पक्षांनी मिळून देशाच्या विकासासाठी काम करू असं प्रतिपादन उभय नेत्यांनी या भेटीत केलं. १८ व्या लोकसभेचं पहिलं अधिवेशन येत्या २४ जून पासून सुरू होणार असून ते ३ जुलै पर्यन्त चालेल. या अधिवेशनात नवीन सदस्यांचा शपथविधी तसंच नवीन अध्यक्षांची निवड करण्यात येणार आहे.