‘म्हाडा’, अर्थात महाराष्ट्र गृहनिर्माण आणि क्षेत्रविकास प्राधिकरणानं वर्ष २०२५-२०२६ च्या अर्थसंकल्पात १९ हजार ४९७ सदनिकांचं बांधकाम करण्याचं उद्दीष्ट ठेवलं आहे. त्यासाठी अर्थसंकल्पात ९ हजार २०२ कोटी रुपयांची तरतूद केली आहे. सुमारे १५ हजार ९५७ कोटी रुपयांचा हा अर्थसंकल्प मंजूर झाला असून, वर्ष २०२४-२५ च्या १० हजार ९०१ कोटी रुपयांच्या सुधारित अर्थसंकल्पालाही प्राधिकरणाची मंजुरी मिळाली आहे.
म्हाडाच्या मुंबई मंडळाअंतर्गत येत्या आर्थिक वर्षात ५ हजार १९९ सदनिकांची उभारणी प्रस्तावित आहे. त्यासाठी वर्ष २०२५-२६ च्या अर्थसंकल्पात ५ हजार ७४९ कोटी रुपयांची तरतूद केली आहे.