३५व्या महाराष्ट्र राज्य पोलीस क्रीडा स्पर्धेचा समारोप मुख्यमंत्री देवेंद्र फडणवीस यांच्या उपस्थितीत आज ठाण्यात झाला. विविध क्रीडा प्रकारात सहभागी झालेल्या खेळाडूंचं फडणवीस यांनी अभिनंदन केलं. संघभावना जोपासण्यासाठी खेळ खेळणं आवश्यक आहे, त्यामुळे क्रीडा स्पर्धेत जास्तीत जास्त जणांनी सहभाग घ्यावा असं आवाहन त्यांनी केलं. या स्पर्धेच्या माध्यमातून पोलिसांना आपलं कसब दाखवण्याची संधी मिळते असं फडणवीस म्हणाले. या स्पर्धेत १८ क्रीडा प्रकारात २ हजार ९२९ खेळाडूंनी सहभाग घेतला.