मुंबईत सुरू असलेल्या एल अँड टी टेनिस स्पर्धेत, माया राजेश्वरन महिला एकेरीच्या उपांत्य फेरीत पोचली आहे. पंधरा वर्षीय मायाने  उपांत्यपूर्व फेरीत जपानच्या मेई यामागुची हिचा 6-4, 3-6, 6-2 असा पराभव केला. भारताची एकमेव खेळाडू असलेल्या मायाची आज उपांत्य फेरीत स्वित्झर्लंडच्या खेळाडूशी लढत होणार आहे. महिला दुहेरीत प्रार्थना ठोंबरे आणि अरिनी हार्टोनो यांनी एडन सिल्वा आणि अनास्टिएशिया टिखोनोव्हा यांचा पराभव करून उपांत्य फेरी गाठली आहे.