जम्मू-काश्मीरमधे उधमपूर जिल्ह्यात एक खासगी प्रवासी बस दरीत कोसळून झालेल्या अपघातात ३० जण जखमी झाले. जखमींमध्ये परिचारिका महाविद्यालयातल्या विद्यार्थ्यांची संख्या सर्वाधिक असल्याचं स्थानिक पोलिसांनी कळवलं आहे. ही बस सलमारीहून उधमपूरला जात असताना, फरमा गावाजवळ रस्तावरून घसरून दरीत कोसळली. या घटनेबद्दल माहिती मिळताच प्रशासनाकडून तातडीने बचावकार्य सुरू केलं गेलं. सर्व जखमींना उधमपूरच्या शासकीय रुग्णालयात दाखल केलं असून, जखमींपैकी तिघांची प्रकृती गंभीर असल्याचंही पोलिसांनी सांगितलं.