नॅशनल कॉन्फरन्सचे ज्येष्ठ नेते मुबारक गुल यांनी आज जम्मू-काश्मीर विधानसभेच्या हंगामी अध्यक्षपदाची शपथ घेतली. नायब राज्यपाल मनोज सिन्हा यांनी श्रीनगर इथं राजभवनात झालेल्या समारंभात गुल यांना पद आणि गोपनीयतेची शपथ दिली. जम्मू-काश्मीरचे मुख्यमंत्री ओमर अब्दुल्ला, उपमुख्यमंत्री सुरिंदर चौधरी आणि अन्य कॅबिनेट मंत्री यावेळी उपस्थित होते. मुबारक गुल श्रीनगरच्या इदगाह मतदारसंघातून विधानसभेवर निवडून आले आहेत.