जम्मू आणि काश्मीरमध्ये अनंतनाग जिल्ह्यात लागलेल्या भीषण आगीत २० पेक्षा जास्त घरांचं नुकसान झालं असून ३७ कुटुंबे बेघर झाली आहेत. दक्षिण काश्मीरमधल्या कादिपोरा भागातल्या गाजीनाग इथं एका घरात आग लागली आणि ती आजूबाजूच्या घरांमध्ये पसरली. दाट लोकवस्ती असलेल्या भागात आगीदरम्यान काही गॅस सिलिंडरचे स्फोट झाले. त्यामुळे आग आणखी वेगाने पसरली. पोलीस, सुरक्षा दलं आणि स्थानिकांच्या मदतीने या परिसरातल्या लोकांना सुरक्षितपणे बाहेर काढण्यात आलं आहे.