जम्मू-काश्मीरमधील सुरक्षा दलांनी आज पुंछ जिल्ह्यात दहशतवादी कारवायांशी संबंधित असलेल्या एका व्यक्तीला अटक केली आहे. संशयिताकडून चार ग्रेनेड जप्त करण्यात आल्याची माहिती पोलिसांनी दिली आहे. पूंछ शहर आणि सुरनकोट शहरात झालेल्या दोन ते तीन ग्रेनेड हल्ल्यांशी या व्यक्तीचा संबंध असल्याचा पुंछ पोलिसांना संशय आहे. हल्ल्यानंतर या भागात सुरक्षा उपाय आणि शोधमोहीम वाढवण्यात आली आहे. संशयिताच्या अटकेमुळे  हल्ल्यांशी आणखी दहशतवादी संबंधाचा शोध घेण्यासाठी तपास सुरु आहे.