वेस्ट बँक आणि पूर्व जेरुसलेममधली इस्राएलची उपस्थिती बेकायदेशीर असल्याचं संयुक्त राष्ट्राच्या आंतरराष्ट्रीय न्यायालयाने स्पष्ट केलं आहे. गाझा आणि वेस्टबँकमधला भूप्रदेश हस्तगत करण्याच्या इस्रायलच्या धोरणालाही न्यायालयाने चुकीचं ठरवलं असून या प्रदेशातली कार्यवाही तातडीनं थांबवण्याचा सल्ला दिला आहे. न्यायालयाचा हा सल्ला इस्रायलला कायदेशीरदृष्ट्या बंधनकारक नाही, पण नैतिकदृष्ट्या याचं पालन केलं तर आंतरराष्ट्रीय कायद्यांचं पावित्र्य राखलं जाईल असं न्यायालयाने स्पष्ट केलं आहे.