इस्रायली  सैनिकांनी गेल्या आठवड्यात राफाजवळ दक्षिण गाझा पट्टीत केलेल्या गोळीबारात १५ आपत्कालीन कर्मचाऱ्यांचा मृत्यू झाल्याची कबुली इस्रायलच्या लष्करानं दिली आहे. या ताफ्यात पॅलेस्टिनी रेड क्रेसेंट रुग्णवाहिका, संयुक्त राष्ट्रांचं  वाहन आणि अग्निशमन दलाचा समावेश होता. वाहनांचा हा ताफा दिवे न लावता अंधारात जात असल्याचं इस्रायलनं  यापूर्वी सांगितलं होतं. मात्र नंतर समोर आलेल्या छायाचित्रांमधून ही केवळ बतावणी असल्याचं समोर आलं. या वाहनांमधले सर्वजण निःशस्त्र होते.