बिहार इथं काल झालेल्या महिलांच्या आशियाई हॉकी अजिंक्यपद स्पर्धेत भारतीय संघाने विजेतेपद पटकावल्याबद्दल राष्ट्रपती द्रौपदी मुर्मू तसंच प्रधानमंत्री नरेंद्र मोदी यांनी त्यांचं अभिनंदन केलं आहे. भारतीय हॉकी संघाच्या प्रत्येक खेळाडू मनापासून अभिनंदन आणि या संघाला भविष्यातल्या वाटचालीसाठी शुभेच्छा असं राष्ट्रपतींनी आपल्या संदेशात म्हटलं आहे. तर संपूर्ण स्पर्धेत भारतीय संघाने आपल्या खेळाचं उत्कृष्ट प्रदर्शन केलं. त्यांचं हे यश भविष्यात अनेक खेळाडूंना प्रेरणादायी ठरेल, असा शुभेच्छा संदेश प्रधानमंत्र्यांनी आपल्या समाजमाध्यमावर लिहिला आहे.