भारतीय तटरक्षक दलाने काल अंदमानजवळच्या समुद्रात एका मच्छिमार बोटीतून अवैध अंमली पदार्थ पकडले. भारतीय तटरक्षक दलाच्या डॉर्नियर विमानांनी आपल्या नियमित गस्तीदरम्यान या बोटीच्या संशयास्पद हालचाली टिपल्या. ही बोट समुद्राच्या भारतीय हद्दीत बॅरन बेटाजवळ असताना संयुक्त कृती दलाच्या कर्मचाऱ्यांनी बोटीवर जाऊन झडती घेतली. बोटीवरच्या कर्मचाऱ्यांसह साधारण ५ हजार ५०० किलो अंमली पदार्थ आणि एक सॅटेलाईट फोन पोलिसांनी ताब्यात घेतले. या बोटीवरचे सहाही कर्मचारी म्यानमाचे नागरीक असल्याचं आढळलं. भारतीय तटरक्षक दलाने आतापर्यत जप्त केलेल्या अंमली पदार्थांचा हा सर्वात मोठा साठा आहे.