ADPC अर्थात आशियाई आपत्ती व्यवस्थापन केंद्राचं अध्यक्षपद भारतानं काल स्वीकारलं. थायलंडमध्ये बँकॉक इथं भारताच्या राष्ट्रीय आपत्ती व्यवस्थापन आस्थापनेचे राजेंद्र सिंग यांनी चीनकडून या वर्षासाठीचं अध्यक्षपद स्वीकारलं. ADPC ही आशिया आणि पॅसिफिक प्रदेशांमधल्या देशांनी हवामानाशी संबधित संकटांना तोंंड देण्यासाठी सज्ज राहण्याच्या उद्देशाने स्थापन केलेली संस्था आहे. भारतासह बांगलादेश, कंबोडिया, चीन, नेपाळ, पाकिस्तान, फिलिपाईन्स, श्रीलंका आणि थायलंड हे देश संस्थेचे संस्थापक सदस्य आहेत.