उत्तराखंड आणि ईशान्य भारतात बहुतांश ठिकाणी येत्या चोवीस तासात अतिवृष्टीचा इशारा भारतीय हवामान विभागाने दिला आहे. जम्मू काश्मीर, लडाख, गिलगिट, बाल्टीस्तान, हिमाचल, पंजाब, हरयाणा, चंदीगढ, राजस्थान, उत्तर प्रदेश तसंच छत्तीसगढ मध्येही पुढील तीन चार दिवसात जोरदार पाऊस पडेल असा अंदाज विभागानं दिला आहे.महाराष्ट्र, गुजरात आणि कर्नाटकच्या किनारपट्टी भागात येत्या तीन ते चार दिवस जोरदार पाऊस होण्याची शक्यताही हवामान विभागाने वर्तवली आहे.